شرح انواع blocks فى Siemens PLC

الدرس التانى من كورس شرح Siemens PLC نوع S7-300

ها نشرح انواع blocks المختلفة و استخدام كل نوع و عمل calling لبلوك داخل بلوك اخر و شرح scan cycle
كنا وصانا فى الدرس الاول لعمل hardware configuration و ده الرابط : شرح Hardware Configurationبعد عمل save and compile نقفل صفحة hardware configuration و افتح الخانة blocks كما بالشكل

ها يظهر عندى بلوك واحد فقط و هو OB1
لو ضغطت right click فى اى مكان فاضى و اختار insert new object ها يضهر blocks الاتية

شرح كل block بالتفصيل :

Organization Block : اختصارا OB
و ديه البلوكات التنظيمية و ديه المسئولة عن تنظيم العمل بين CPU و user program المبرمج عن طريقى
من امثلة blocks ديه OB 100 : و ده بيتم تفعيل ذه عند عمل power reset ( اى عمل Warm Restart )
OB 1 : و ده نوعه cyclic block و ده بيتم تنفيذه كل cycle
و غيرها كتير من OB اللى مش كلها موجوده فى اى CPU و كل ما كان CPU بيدعم OB s اكتر , بيكون اغلى 

Function : اختصارا FC
و ده عباره عن برنامج انا ببرمجه بلغات البرمجة المختلفة مثل LADDER diagram او Statement List او Function Block Diagram
بس ده عادة لا يكون البرنامج بالكامل و بيكون جزء فقط من البرنامج
مع العلم ان اى اوامر مكتوبة داخل FC لا يتم تنفيذها الا عند عمل CALL لها داخل اى من OB بمعنى تانى CPU لا يقرا اى حاجة الا OB و من خلالها انا بوجه CPU لقراءة FC عن طريق عمل Call لل FC داخل اى OB

Data Block : اختصارا DB
و ده ببساطه مكان لتخذين القيم و البيانات لاستخدامها داخل OB او FC او FB او اى مكان اخر فى البرنامج
البيانات ديه مثلا وقت او سرعة او قيمة عددية و غيرها
و البلوك ده نوعين رئيسيين :
1- shared data block : و ده بيتم استخدامه داخل اى مكان فى البرنامج بدون اى قيود
2- Instance data block : و ده بيكون مخصص لخدمة function block او System function block (ها يتم شرحه لاحقا ) 

بحيث بيتم تخصيص instance data block لكل function block و اخر لكل system function block

Function Block  : اختصارا FB
و ده مشابه تماما ل function و الفرق ان function block لازم يحتاج instance data block عشان يشتغل بمعنى لو انا عملت insert ل FB 2 مثلا يبقى لازم احددله instance data block , ليكن DB 5 و ما اقدرش استخدم DB 5 ده فى اى مكان اخر مره ثانيه

Data Type  : اختصارا UDT
او يطلق عليها user data type
و ده بستخدمه لو عايز اعمل مجموعة من البيانات الجاهزه و اللى بيتم استخدامها بشكل مجمع داخل اى مكان فى البرنامج مثل OB او FC او FB 

Variable Table : اختصارا VAT
و ده مجرد جدول بضع فيه المتغيرهات بتاعتى اعملها monitor بغرض الصيانة مثلا انى اعرف قيمة المتغير ده كام دلوقتى و كمان اقدر اغير فى قيمته يدويا

طيب ازاى اعمل insert لاى block من البلوكات ديه
مثلا انى اعمل insert ل function
بضغط على function تظهر القائمة التالية

بعد الضغط على OK تظهر الصفحة التالية

و ديه صفحة كتابة الكود فى اى لغة مثلا STL ( اختصار Statement List ) او LAD ( اختصار Ladder Diagram )
او FBD ( اختصار Function Block Diagram )

و بتتكون من ثلاث اجزاء اساسية :
declaration table : و ده يستخدم فى تحديد متغيرات الدخل و الخرج و Temps ( ها يتم شرحها لاحقا بالتفصيل )
code section : و ده مكان كتابة كود البرمجة
Detail Window : و ده فيه معلومات مفصلة عن اى متغير ( اللى ممكن يكون دخا او خرج او قيمة ) و كمان بيوضح لو فيه error فى البرمجة 

كيفية عمل call لاى بلوك داخل OB1

داخل FC 1 ها اكتب اى برنامج مثلا تشغيل موتور START و STOP مع وجود نقطة من overload
بفرض ان Q 0.0 هى الخرج اللى هايشغل الموتور
I 0.0 مفتاح تشغيل الموتور و نوعه normally open push button
I 0.1 مفتاح ايقاف الموتور و نوعه normally close push button
I 0.2 نقطه مغلقة من الاوفرلود

هنا كتبت network title
و ها اضغط كليك يمين و اختار insert network comment عشان ادخل كومنت خاص network ديه
و ده بعد ما كتبت كومنت و عملت save

ملحوظات على كتابة برنامج motor start stop
I 0.1 و I 0.2 الخاصين بمفتاح الايقاف و نقطة overload تم اختيارهم داخل البرنامج نقاط مفتوحة
لان PLC لا يفهم ان النقطه ديه تمثل ايه فى الحقيقة
اى ان فى حالة inputs : نقطة مفتوحة تعنى نقطة مشابهة للدخل على موديول الدخل digital input module
نقطة مغلقة تعنى نقطة مخالفة للدخل على موديول الدخل digital input module

طيب بعد ما برمجت FC حتى لو عملت download على CPU الموتور مش ها يشتغل و CPU مش ها يقرا FC 1 اللى انا برمجتها ديه اساسا
لازم اعمل call للبلوك FC 1 داخل OB 1 عشان البرنامج لما يقرا OB 1 و يلاقى امر CALL FC1 ها يروح يقرا FC 1 و بعد كدا يرجع يكمل OB1 تانى و هكذا
ازاى بقى اعمل call
اروح افتح OB 1
اول مره افتح OB 1 بتظهر القائمة ديه 

اختار ok و افتح OB 1
تابع الصورة

كدا انا عملت call
و كدا FC 1 ها تشتغل

ملحوظة : انا ممكن اعمل call لبلوك FC 2 مثلا داخل FC 1 و ارجع اعمل call لبلوك FB 5 داخل FC 2 و هكذا
لو انا عملت كدا
CPU ها يقرا OB 1 و يجد امر call FC 1
يقوم يروح يقرا FC1 و يجد امر call FC 2
يروح CPU يقرا FC 2 و يجد امر call FB 5
يروح ينفذ البلوك FB 5 و بعد ما يخلصه و لا يجد داخله امر call
كدا يرجع البرنامج يكمل تنفيذ OB 1 و يخلصه
و بعد كدا يبدا OB 1 من تانى و يلاقى امر call FC 1 تانى فيروح ينفذه و هكذا 

طيب هل ممكن اكتب كل البرنامج بتاعى فى OB 1 فقط ؟
الاجابة : نعم و هنا ها يكون اسمه Linear ptogram
و فى حالة استخدام اكثر من FC و FB و عمل اكثر من عملية call بينهم ده اسمه structured program

لاحظ ان عملية call اكثر من مره من block الى block اخر الى block ثالث و هكذا , ديه تسمى عملية Nesting
و كلما زادت عمليات nesting زاد scan cycle يعنى البرنامج ها يبقى اتقل و ابطأ
فى حالة PLC من نوع S7-300 : اقصى عدد Nesting مسموح بيه 8 عملية Nesting
ماعدا CPU 318 :  اقصى عدد Nesting مسموح بيه 16 عملية Nesting

الدرس القادم :
شرح Scan Cycle بالتفصل 
انتهى الشرح و اى سؤال اتفضل اسأل فى التعليقات اسفل الموضوع

هذا الموضوع حصرى لموقع electrical engineering نرجو عدم النقل

تابع القراءه ..

شرح scan cycle فى Siemens PLC

الدرس الثالث من كورس شرح Siemens PLC نوع S7-300

شرح scan cycle 

و هو الوقت اللى CPU يستغرقه عشان يقرا البرنامج كله مره واحدة
و ده بيكون صغير كدا حوالى 100 مللى ثانية مثلا
و كلما زاد حجم البرنامج و تعقيده و كثرة عدد FC و FB و DB و بالتالى كثرة عدد call بتكون scan cycle اكبر و ديه حاجة مش مقبولة فى بعض applications اللى السرعة مطلوبة فيها
و لو انا عايز اقلل scan cycle ممكن اختار CPU يكون اسرع و بالتالى ها يكون اغلى سعرا
دلوقتى عايزين نعرف ازاى CPU يقرا البرنامج

من الصورة المرفقة
1 : CPU بينفذ OB 100 و ده بيتم فقط عند عمل restart لل PLC
كمان CPU بيروح يغير وضع outputs على وحدات الخرج outputs modules بناءا على scan cycle السابقة
2- CPU يقرا وضع inputs من على digital input modules و analog input modules و يخذنها على مكان داخل internal memory فى CPU اسمها PII اختصارا لمصطلح process image input 
3- قراءة OB 1 و تنفيذها و تنفيذ اى عملية call داخلها كذلك تنفيذ اى OB اخرى ( حسب شرط تنفيذ هذا OB و حسب priority الخاص بيه )
4 - تغيير process image output اى تغيير حالة الخرج من النوع digital او analog و نقل هذا التغيير الى digital output modules و analog output modules 

و هكذا يتم البدء من رقم 1 مره ثانية
و زى ما قلنا قبل كدا كل ما كان البرنامج كبير و معقد كانت scan cycle كبيره
و لتقليل scan cycle حسب المطلوب يتم اختيار CPU اسرع

هذا الموضوع حصرى لموقع electrical engineering نرجو عدم النقل

تابع القراءه ..

شرح hardware configuration فى Siemens PLC

نبدا بأذن الله كورس PLC من نوع siemens و ده من اكثر الانواع انتشارا فى العالم و من افضلها ايضا

ها نبدا الشرح على برنامج simatic manager و ده البرنامج الخاص بوجدات PLC S7-300 و PLC S7-400 و ديه طبعا اشهر الانواع و اكثرها انتشارا خصوصا فى مصر 

الكورس ده  موجه للمهندسين او الفنيين اللى ليهم تعامل مع classic control و يفضل يكون ليهم تعامل سابق مع Siemens s7-200 او اى انواع اخرى من PLC 

اول درس معانا هو ازاى نعمل ملف للبرنامج Simatic manager و ازاى نختار العناصر اللى ها نبرمجها و نشغلها و ازاى نعمل Hardware Configuration
اول حاجل لما نفتح Simatic manager ها نلاقى الصورة ديه

نختار file ثم new عشان نعمل ملف جديد

ها تظهر معانا الصورة ديه

بعد اختبار اسم الملف و ليكن learn plc و اختيار مكان التخزين من browse  اضفط على ok عشان يفتح لاول مره

و ده ها يكون الشكل

بعد كدا اختار قائمة insert ثم station ثم simatic 300 station

كدا انا عملت ادراج لوحدة PLC من نوع S7-300
ممكن اغير اسم وحدة s7 300 زى ما انا عايز مثلا اخليها TestCPU او اى حاجة زى مثلا اسم الماكينة اللى ببرمجها

بعد كدا ها ادوس على test cpu و اختار hardware عشان اعمل hardware configuration
ها يفتحلى صفحة hardware configuration 

دلوقتى انا عايز اعمل ادراج لوحدات PLC زى مثلا CPU و وحدات digital inputs و digital outputs
لازم الاول اعمل ادراج Rail و ده الجزء المعدن اللى بيكون موجود فى اللوحة الكهربية و اللى بيتثبت عليه جميع عناصر PLC
ده شكله الحقيقى فى حالة S7 300 

ها نعمل ادراج لوحدة Rail من القائمة ناحية اليمين و اختيار Simatic 300 ثم Rail انظر الصورة

لما بعمل ادراج لاى حاجة البرنامج يعطيها اسم افتراضى و عشان اغير اسم Rail ده بضغط عليه double click و اغير اسمه و اكتب كومنت و كمان بعرف ال part number بتاعه عشان اقدر اشتريه من سيمنز

فى حالة PLC Siemens S7-300 يتكون Rail من 11 خانه مقسمه كالتالى

رقم 1 : دائما محجوز لوحدة power supply و ديه بتكون اختياريه فى حالة s7 300 يعنى ممكن استخدم اى power supply ماركة اخرى  و بتكون اجباريه فى حالة S7-400 يعنى ما ينفعش استخدم اى power supply غير سيمنز
الصورة ديه بعد اختيار power supply

الخانه رقم 2 : محجوزه لادراج CPU و عشان اختار CPU
بضغط على CPU 300 ثم بختار اى Family لل CPU زى مثلا 312 او 313 او 314 ثم بختار البروسيسور نفسه بحسب part number الخص بيه و طبعا واضح ان فيه انواع CPU كتيره جدا و عشان كدا لازم اكون عارف انا عايز امكانيات ايه بالضبط و عامل بحث مفصل على CPU 300 المراد استخدامه حسب الامكانيات المطلوبه
طيب ايه الامكانيات المختلفة من CPU لاخر ؟
بيكون فيه اختلاف فى فى سرعته و حجم البرنامج اللى ممكن يشتغل عليه و عدد input / output modules و انواع communications اللى بيشتغل عليه و هل يمكن توصيل incoder عليه و لا لأ و غيرها كتير جدا من الاختلافات
ديه صوره بعد اختيار CPU و الضغط عليه عشان اشوف و اغير فى properties بتاعته

بلاحظ وجود 9 صفحات داخليه بتوضح امكانيات CPU و بقدر اغير حاجات كتير فيها و ديه ها نعرفها بعدين  advanced

طيب ايه معنى Networked اللى بجانبها no ؟
ده معناه ان CPU ينفعش اعمل بينه و بين اى حاجة تانية اتصال و عشان اغير ده بضغط properties

كدا انا فعلت MPI port فى CPU و ها نشرح فى درس اخر الاتصال بين CPU و الاجزاء الاخرى مثل HMI

بضغط OK

الخانة رقم 3 فى Rail : و ديه خاصه بموديول اسمه interface module و اختصاره IM
و ده شكل interface module لوحدات step 7 - 300

و الموديول ده متخصص عشان اوصل CPU بوحدة Rail تانية
و ده بحتاجه لما اكون عايز اوصل input / output modules اكتر من الحد اللى بيسمح بيه ال rail الواحد ( 8 موديولات دخل و خرج فقط لكل Rail)
و عشان اوصل بين اكثر من rail بستخدم IM فى ال rail الرئيسى Central Rack و كمان IM فى ال rail الفرعى Expansion Rack
لاحظ ان مصطلح Rack مساوى لمصطلح Rail
و بوصل بينهم عن طريق كابل خاص بيكون ليه maximum length مثلا 1 متر و توع اخر 2 متر و هكذا
و ده شكل الكابل

و كمان ممكن اوصل اكثر من 2 rail بشرط ان كل rail يكون فيه Interface module خاص بيه
صوره توضح توصيل اكثر من Rail بأكثر من Interface Module 

لاحظ ان Rack 0 ده central Rack اى الراك الاساسى و متوصل بيه عدد 3 Racks كل Rack متصل بيه power supply و عدد معين من I/O Modules اقصاها 8 موديولات
ملحوظة : I/O Modules اختصار Input Outputs modules
لاجظ ان اسم interface module المستخدم فى Central Rack بيكون IM 360
و  اسم interface module المستخدم فى Expansion Rack بيكون IM 361
ديه صوره توضح ادراج عدد 2 Rack و كل Rack فيه interface module خاص بيه ( بحيث ان فى Central Rack بستخدم IM360 و فى Expansion Rack بستخدم IM 361 ) 

انا فى البرنامج ده مش محتاج اكثر من 8 I/O Modules  عشان كدا مش ها اوصل اى interface modules و ها اسيب slot 3 فارغ
الخانة رقم من 4 الى 11 متخصصة فى ادراج Signal Modules زى
Digital Input Module و اختصارها DI
Digital Output Module و اختصارها DO
Digital Input Output Module و اختصارها DIO اى تحتوى على عدد من الدخل الرقمى و عدد من الخرج الرقمى
Analog Input Module و اختصارها AI
Analog Output Module و اختصارها AO
Analog Input Output Module و اختصارها AIO اى تحتوى على عدد من الدخل التناظرى و عدد من الخرج التناظرى
Sensor modules with IQ interface 
Special 300 اى special modules و ديه نجد بها نوعين :
1- Dummy module : و ده بأستخدمه عشان بس احجز خانه فى الراك فى اللوحة بتاعتى بس بيكون فاضى لا يستخدم فى اى حاجة تانية

صورة Dummy Module :

2- position decoder module : يستخدم فى توصيل انواع معينة من Encoders

طيب انا ها ادرج فى البرنامج هنا الموديولات الاتية :
SM 321 DI 16 x DC 24 V : اى يحتوى على عدد 16 مدخل رقمى و يتم تغذيته بجهد 24 فولت مستمر

 SM 322 DO 16 x DC 24 V / 0.5 A : اى يحتوى على عدد 16 مخرج رقمى و يتم تغذيته بجهد 24 فولت مستمر و كل مخرج يتحمل حتى 0.5 امبير 

SM 331 AL 8 x 12bit : اى يحتوى على عدد 16 مدخل تناظرى analog و دقة القرائة التناظرية 12 bits لكل مدخل ( تتراوح الدقة من 12 bit الى 16 bit و كلما زاد الرقم زادت الدقة و اصبح الموديول اغلى سعرا ) و سيتم شرح الانالوج بالتفصيل فى درس اخر 

SM 332 AO 4 x 16bit : اى يحتوى على 4 مخارج تناظرية analog و دقة القراءة 16 bit 

لاحظ القائمة السفلية :
تجد جدول فيه كل الموديولات اللى استخدمناها و موضح بجانبها part numbers اللازم للشراء من سيمنز
الاهم من ده ان يوجد به I address و  Q address و ده عناوين الدخل و الخرج اللى بيشغلها كل موديول حسب عدد الدخل و الخرج لكل موديول
مثلا الموديول  SM 322 DO 16 x DC 24 V / 0.5 A  ده موديول خرج رقمى به 16 خرج رقمى اى يحتاج الى عدد 2 bytes ( لاحظ ان كل byte يحتوى على 8 bits تبدا من 0 الى 7 )
لذلك نجد ان البرنامج قد اعطى افتراضيا لهذا الموديول byte رقم 4 و byte رقم 5 ليخذن عليهم بياناته
يعنى لما انا اكتب فى البرنامج مثلا : Q4.2 اذا انا اقصد الخرج رقم 3 فى هذا الموديول
مع العلم ان هذه العناوين address يمكن تغييرها بسهولة
اختر الموديول المراد تغيير addresses الخاصه بيه و اختر addresses tap و ازل العلامة عن system default و اختار رقم اول بايت ليبدا منه addresses الخاصة بهذا الموديول و ليكن byte رقم 2
انظر الصورة :

بعد الضغط على ok تجد العناوين الخاصة الموديول SM 322 DO 16 x DC 24 V / 0.5 A قد تغيرت لتكون byte 2 , byte 3
لاحظ تغير module addresses 

ملحوظة : بعض CPU s لا تدعم تغيير addresses للموديولات المتصله معها ( لذلك يجب معرفة هذا قبل شراء CPU من خلال data sheets الخاصه به
كدا خلصنا عمل hardware configuration و اضفنا كل الموديولات المطلوبة
نعمل save and compile و هنا البرنامج بيبحث فى كل التغييرات اللى انت عملتها و لو فيه مشكلة ها يظهرها عشان تعدلها
مثلا لو انا عملت delete لوحدة CPU طبعا كدا Hardware configuration غلط
لو رحت عملت save and compile ها يظهر الرساله ديه

لو ضغطت على details ها يظهر تفاصيل الرسالة There is no CPU in the Rack يعنى لا يوجد CPU

طبعا ها اضغط close و اروح اصلح الغلط اللى عملته حسب الرسالة ( هنا ها ارجع CPU )
و بعد اصلاح الاخطاء كلها و عمل save and compile تانى , البرنامج مش ها يظهر اى رسالة خطا و ده معناه ان HW configuration تم بطريقة صحيحة 

كدا اول درس معانا انتهى و انتظروا دروس اخرى قريبا جدا
و اى استفسار اتفضل اسأل فى تعليقات facebook

هذا الموضوع حصرى لموقع electrical engineering نرجو عدم النقل

تابع القراءه ..

شرح التايمر الالكترونى المستخدم فى التحكم الالى

يعتبر التايمر من اهم مكونات دوائر التحكم الالى automatic control
و يوجد العديد من الانواع و الاستخدامات
يوجد تايمر on delay و اخر off delay و غيرها
و سنقوم بشرح التايمر الالكترونى متعدد الاستخدامات multi function timer
و سنخص بالشرح موديل AT11DN من انتاج شركة Autonics

صور التايمر 

توصيل التايمر فى دائرة التحكم

انظر الصورة

الاطراف رقم 2 و 10 : يتم توصيل مصدر الكهرباء الى هذه الاطراف  و هذا الموديل يعمل على
- 100 الى 240 فولت AC تردد 50 هرتز
- 24 فولت AC تردد 50 هرتز
- 24 فولت DC
الاطراف 8 و 9 و 11 و الاطراف 1 و 3 و 4 هى نقاط NO و NC اى auxiliary contacts

ضبط التايمر الالكترونى

انظر الصورة

اولا دلالة كل جزء على الرسم :

power : تعنى وجود تغذية على التايمر
OUT : تعنى ان التايمر قد بدل وضع نقاطه اى ان النقطه ( NO (normally open اصبحة مغلقة و النقطة  ( NC (normally closed اصبحة مفتوحه
بكرة ضبط قيمة التيمر : و يتم من خلالها ضبط القيمة المطلوبة للتايمر حسب وحدة الوقت
مفتاح تغيير وحدة التايمر : يمكن تغيير وحدة قيمة التايمر بالثانية و الدقيقة و الساعة و غيرها
هذه الصورة توضح مدى ضبط قيمة التايمر 

مفتاح تغيير مود التايمر : يتم تغيير طريقة عمل التيامر و يوجد فى هذا الموديل 6 اوضاع و اهمها :
mode A : و هو يطابق التايمر on delay timer المعروف اى عند تغذية التايمر بالكهرباء بعد انقضاء قيمة الوقت المضبوط مسبقا يقوم بتغيير اوضاع نقاطه
mode I : و يسمى interval mode و هنا عند تغذية التايمر بالكهرباء , يقوم بتغيير اوضاع نقاطه فى الحال ثم بعد الوقت المضبوط مسبقا يقوم بأرجاع اوضاع نقاطه الى وضعها الاصلى 

رسمة توضح timer modes بالتفصيل و توضح ايضا استخدامات reset و start و inhibit

شكرا للمتابعة و اى سؤال اتفضل اسأل فى تعليقات facebook اسفل الموضوع

تابع القراءه ..

شرح جهاز emergency relay

جهاز emergency relay هو ريلاى مستخدم فى الحماية فى حالة حدوث مشكلة فى الماكينة او النظام و لا يخلو منه اى لوحة ماكينة تعمل بنظام automatic control خصوصا المتصلة ب PLC و شاشات HMI

ايضا يطلق على Emergency relay اسماء عديدة منها safety relay و ريلاى الطوارئ و Dold relay ( اسم مشهور جدا خصوصا لدى الفنيين )

صور ريلاى الطوارئ

ماركة ABB 

ماركة SIEMENS 

ماركة Tele mechanic  

وظيفة الجهاز انه يفصل الدائرة عن طريق نقاط مفتوحة normally open و نقاط مغلقة normally closed و ذلك عند الضغط على اى مفتاح emergency stop

توصيل جهاز emergency relay
انظر wiring diagram

شرح كل جزء من safety relay wiring diagram

channel 1 : ده مكان توصيل اول نقاط emergency switches  بين النقطتين S13 و S14 ( لاحظ ان اى اسم بيتغير حسب الموديل و الشركة المصنعة )

channel 2 : ده مكان توصيل ثانى نقاط من مفاتيح emergency button و فى النوع ده بيكون بين النقطتين S23 و S24
مدخل تغذية الكهرباء : لازم اوصل كهرباء للجهاز عشان يشتغل و الجهاز ده بيشتغل على 24 فولت متردد او مستمر ( طبعا بتختلف من ماركة لماركة و من موديل لموديل و لازم افهم ده من data sheet الخاص بجهاز الحماية )

الخرج المطلوب حمايته : و ده اجزاء الماكينة المطلوب فصلها لما حد بيدوس على اى مفتاح طوارئ emergency switch و الخرج ده ممكن يكون ملف كونتاكتور موتور او Input فى جهاز PLC او حتى سارينة او فلاشر زى ما انت عايز
normally open و normally closed output contacts هى نقاط auxiliary  و يتغير وضعها بعمل الجهاز و لازم طبعا لما اشترى الجهاز اعرف النقاط ديه بتتحمل كام امبير

كيفية عمل جهاز الحماية Dold emergency relay

فى الحالة العادية يعمل الجهاز و يقوم بتغيير النقاط Normally open الى مغلقة و النقاط Normally closed الى مفتوحة
و لما اى حد بيضغط على اى مفتاح طوارئ emergency switch يقوم الجهاز بأرجاء النقاط المساعدة الى وضعها الاصلى
بمعنى لو احنا عايزين فى حالة الطوارئ ان الجهاز يفصل موتور مثلا يبقى بوصل ملف كونتاكتور الموتور ده مع النقاط normally open auxiliary output عشان لما ترجع لحالتها الاصلية ( مفتوحة ) تقوم بفصل كونتاكتور الموتور عشان تحمى الماكينة و الافراد العاملين

كيفية عمل reset switch : ده نقطتين بيكونوا متصلين مع مفتاح خارجى بيكون normally open و ده مفتاح push button عادى لازم ادوس عليه عشان الماكينة تشتغل تانى بمعنى مش بمجرد انى ارجع مفتاح الطوارئ لوضعه ان الماكينة ها تعمل لا لازم ادوس على مفتاح reset ( و ده نوع من الحماية على الافراد و الماكينة )

لاحظ صور emergency switch عادة بيكون مفتاح reset push botton موضوع معاه فى نفس المكان ( مش شرط و ممكن يكون بعيد عنه )

فى الصوره ديه المقصود ب start هو الريسيت
و stop هو emergency switch

و ده شكل تانى لمفتاح الطوارئ

ده مفتاح stop بدون مفتاح reset push button ( بس اكيد موجود بس بعيد عنه )

صورة تانية للتوصيل wiring diagram لنوع اخر

نلاحظ ان النوع ده فيه لمبات بيان
اللمبة الاولى : input power on و بتنور لما الجهاز بيتوصله كهرباء و انه شغال
اللمبة الثانية : K1 energized و ده دليل ان 1 channel  شغالة
اللمبة الثالثة : K2 energized و ده دليل ان channel 2 شغالة 

طيب ليه بقى فيه two channels ليه مش بكتفى بواحدة بس ؟
ده نوع من زيادة الامان بحيث ان لو نقطة علقت و ما فتحتش لما العامل داس على مفتاح الطوارى بيقى فيه نقطة تانية تفصل
لاحظ ان معظم مفاتيح الطوارئ بيكون فيه نقطتين مش نقطة واحدة و عادة بيكونوا normally closed
انظر الصورة ديه

و المفتاح ده به 3 نقاط

طبعا بيكون عندى option انى ازود او اقلل نقاط

صورة بتوضح توصيل اكثر من مفتاح emergency مع بعض ( و كل مفتاح به نقطتين normally closed )

طب دلوقتى لو انا عايز اوصل channel واحدة بس او ان مفاتيح الطوارئ اللى عندى فيها نقطة normally closed واحدة  يبقى بعمل ايه ؟

الحل بكل بساطة انى بوصل طرفين اى channel مع بعض direct و بوصل طرفين channel التانية مع المفاتيح
انظر صورة التوصيل

انتهى الشرح و اى سؤال اتفضل اسأل فى تعليقات الفيس بوك

لو استفدت من الشرح اعمل share
شكرا لحضراتكم

تابع القراءه ..